今日天公造美.. 等我有機會出去行下... 其實尋晚已經諗定今日去呢度架喇.. 點知勁大雨.. 仲以為今日去唔到呢... 真係要多謝上天喇...^^"

 

話就話早D起身過去.. 但係我1:30PM先起身.. OH NO~ 雖然遲o左起身.. 不過無理到.. 照去可也... 哈哈... 係咁上下啦.. 朝早先瞓....^^"

 

由青衣過去大澳需時約個半鐘... 到達目的地見到好多遊客... um.. 有少少似長洲feel.. 睇o左當地提供o既地圖.. 大概都知道有咩行... 沿途都影下相... 亦都自拍o左幾張... 難得第一次o黎呢度... 點都要影返張o既... 呵呵...

 

行o左大約九個字左右.. 就到o左我自己覺得係"盡頭"o既位置....因為再行落去呢... 應該係行"山路"架喇... 所以無再行... 調返轉頭... 係附近有個整蝦醬o既地方... 我鍾意食蝦醬架.. 但係太"宮"鼻喇.. 又多烏蠅... 所以..."此地不而久留"... HAHA.. 行返出去... 終於試下大澳比較出名o既食物喇.. 食o左個豬肉餅.. good.. 好食.. 再整碗豆腐花.. 跟住又買多$10魷魚... 食唔晒.. 飽飽喇... 食完之後叫d途人幫我影返張相... yeah... 去大澳o既行程亦告一段落....^^"

 

買o左少少手信就走人喇.. 出返東涌... 去o左pacific coffee度叫o左杯野飲同個飽食... 個飽好好食呀.. good good good呀... 之後拎部netbook出o黎打o左篇好長o既日記... (唔係依家呢篇)... 打完食完都個1個鐘頭多九個字o既時間喇... 望下個鐘... 已經好夜喇... 搭mtr回家去...

 

今日雖然自己一個人... 但係好有滿足感... 好開心... 當係散心都好丫.....^__^M

 

↑個飽好食呀.. 下次再有咁o既機會.. 我都會再叫...^^"

 

自拍... 影我得啦.. 唔屎理其他周圍景物....XDXD~~